Наютре будзе виведзена дзецинска представа „Виволам вам тайнуˮ
1. декабря 2021.
На пияток премиєра представи за дзеци „Мешацово слизи”
8. декабря 2021.
У Велькей сали Дома култури у Руским Керестуре вчера виведзена представа Виволам вам тайну хтору пририхтали школяре штвартей и пиятей класи Основней школи Петро Кузмяк, а у рамикох тогорочного 53. Драмского мемориялу Петра Ризнича Дядї.
Режию и адаптацию представи, по тексту Беноа Копеа, поробела учителька Ксения Бодянец, а текст драматизовал и преложел на руски язик Владимир Бодянец. У реализованю представи помогли шицки учительки, як и наставнїк Музичней школи Мирко Преґун.
Ґлумели школяре штвартей и пиятей класи основней школи – Исак Новта, Доротеа Рамач, Патрик Варґа, Яна Сивч, Денис Ковач, Тони Орос, Звонимир Мудри, Луция Бульчик, Валентина З. Гарди, Валентина В. Гарди, Валентина Тот, Лена Зелич, Тадей Виславски, Ксения Катрина и Урош Плавшич.
Представа була едукативного характеру, зоз тему о еколоґиї, а за циль мала розвиц еколоґийну свидомосц при школярох.
