Отримана друга роботня „Театер на дланї”
25. мая 2025.
Представа „Полицає” на нєдзелю госцує у Дюрдьове
6. июня 2025.
Зоз ученьом о сценских рухох и ґестох, закончени треци, и остатнї, дзень зоз циклусу театралних роботньох за дзеци, под назву „Театер на дланїˮ, хтори отримани всоботу 31. мая у театралней сали Дома култури.
На початку наш ґлумец и режисер Янко Лендєр з Вербасу приповедал о сценским руху, о тим цо вон шицко подрозумює, а потим дзецом едукаторе – Александра Деянович, Мирослав Малацко и Адриана Надь Барна, през рижни роботнї, пробовали сценски рух и дочарац.
Дзеци мали интересантно обдумани роботнї у хторих їх задаток бул приказац емоцию, ґест або дїю, сами, зоз реквизитом, або вибраним партнером. Ґу тому, спомнути вежби обєдиньовали и здобуте знанє у потедишнїх двох роботньох, односно дикцию и виражованє емоцийох на сцени.
У реализациї проєкту, з найвекшей часци, участвовали – Мирослав Малацко, Ребека Планчак, Адриана Надь Барна, Мая Зазуляк Гарди, Александра Деянович и Янко Лендєр зоз Вербасу, та Славко Орос и Таня Арва Планчак.
Проєкт финансийно потримали Буджетски фонд за национални меншини, односно Министерство за людски и меншински права и дружтвени диялоґ и Национални совит рускей националней меншини.
