На Мемориялу виведзена представа „Царово нови шмати”
10. декабря 2022.
Комедия Тестостерон о хлопско-женских одношеньох
13. декабря 2022.
Старша ґрупа Драмского студия „Арт” Дома култури Руски Керестур, пред полну салу патрачох одбавела удатну премиєру представи Жана Женеа „Служнїци” котру режирал Владимир Надь. Текст за тоту представу зоз французкого преложел Владимир Бодянєц.
Патраче у єдним диху провадзели представу нє знаюци до самого конца яке будзе розришенє. Добра ґлума Силвиї Малацко (Соланж), Мирослава Малацка (Клер) и панї (Мирон Джуня) тримала повагу по конєц, котри бул шицко лєм нє обчековани – жадаюци забиц ґаздиню, Мадам, служнїци закончели свой живот нє виполнююци тото цо сцели, витаргац ше зоз служнїцкого рабства.
Мож повесц же тоту представу буду патриц прави любителє театру котри буду уживац у добрей режиї, одличней ґлуми и окреме добрим тексту. Очиглядно же ше публика зажадала квалитетних представох, а то им того року було и понукнуте.
Превжате зоз Рутенпресу
