Виведзена премиєра представи „Полицає”
8. декабря 2024.
Почина Драмски мемориял Петра Ризнича Дядя
21. марта 2025.
Рушаюци од факту же у рамикох рускей националней заєднїци маме барз мало формално школовани кадри нєобходни за квалитетну роботу у театралней уметносци (режисере, ґлумци, драматурґи, костимоґрафи, сценографи, шминкере итд…) и же и попри вецейдеценийних инициятивох ще би ше на Академиї уметносцох основали класи на язикох националних меншинох тото по нєшка нє реализоване, Руски народни театер „Петро Ризнич Дядя“ у 2025. року планує реализовац циклус театралних роботньох под назву ТЕАТЕР НА ДЛАНЇ, як єден зоз способох же би ше голєм часточно превозишол тот проблем и же би ше стимуловала робота у театралней уметносци у векшини местох дзе жию Руснаци, як и же би ше подзвигнул єй квалитет.
Ширши список потенциялних темох роботньох шлїдуюци:
1.Основи сценскей бешеди
2.Основи сценского руху
3.Основи режиї
4.Основи драматурґиї
5.Основи театралней маски и шминки
6.Основи сценскей музики
7.Основи сценоґрафских ришеньох
8.Основи сценского шветла
9.Основи костимоґрафиї
10.Сучасни сценски вираз – мултимедиялни приступ у театру
11.Орґаниација и продукция театралних представох
Зоз того ширшого списку можлївих, будзе вибране дефинитивне число (приблїжно 50 одсто ) роботньох, як и дефинитивни список едукаторох, зависно од того за хтори теми потенциялни учашнїки буду найбаржей заинтересовани, як и од других условийох – просторних, технїчних и финансийних. Плановане же би роботнї були реализовани през викенди у марцу и априлу 2025. року, з тим же ше орґанизаторе буду намагац же би то було соботами, же би цо векше число тих хтори ше школую, студираю, лєбо робя, могли буц присутни на тих роботньох. З оглядом на тото же тот проєкт финансийно потримал и Буджетски фонд за национални меншини, на тих роботньох буду обезбечени едукаторе, технїчна лоґистика, нєобходни материял за роботу, як и полудзенок и ошвиженє за шицких учашнїкох хтори треба лєм же би обезпечели приход на исти. Шицки хтори заинтересовани за тоти роботнї треба ше би попольнєли формулар (прияву) хтори у прилогу ґу тей информациї и послали го на єдну зоз шлїдуюцих адресох: РНТ „Петро Ризнич Дядя“, Русинска 75, 25233 Руски Керестур (по пошти), лєбо: rnt.djadja@gmail.com (прейґ електронскей пошти), найпознєйше по 15. фебруар 2025. року.
Шицки нашо културно – уметнїцки дружтва, институциї и здруженя можу и обєдинїц шицких хтори заинтересовани и послац заєднїцку прияву у хторей би були унєшени основни податки хтори наведзени у прилогу ґу тей явней поволанки, алє поволанка ше одноши на шицких припаднїкох нашей заєднїци без огляду чи су у даяким здруженю чи нє. Формулар прияви за тоти роботнї можеце превжац на на Веб сайту театра: rntdjadja.com
За додатни информациї лєбо пояшнєня можеце наволац число телефона наведзене у тей явней поволанки.
Приява за циклус театралних роботньох “Театер на дланї”
Славко Орос, директор
тел. 064 2551012
e-mail: rnt.djadja@gmail.com
