Отримана промоция моноґрафиї о Ирини Колесаровей
24. ноября 2021.
Вчера на Мемориялу „Сон шмишного чловекаˮ
27. ноября 2021.
Того викенду, у рамикох 53. Драмского мемориялу Петра Ризнича Дядї, у Велькей сали Дома култури у Руским Керестуре, буду отримани ище три представи за старших – Сон шмишного чловека, Вина и представа Скорей як когут закукурика.
Так, нєшка на репертоару Драмского мемориялу монодрама Сон шмишного чловека по тексту Ф. М. Достоєвского, у режиї Владимира Надя Ачима, а у виводзеню Мирослава Малацкового.
Наютре, соботу, годно одпатриц представу за старших Вина, Небойши Ромчевича у режиї Владимира Надя Ачима, а у виводзеню Адриани Надь и Якима Виная, док представа Скорей як когут закукурика, робена по тексту Ивана Буковчана, а у режиї Славка Виная, будзе виведзена остатнього дня Мемориялу, на нєдзелю 28. новембра.
Премиєра тей представи отримана штредком новембра того року, у Руским културним центру у Новим Садзе. Настала у копродукциї РНТ „Петро Ризнич Дядя” зоз Руского Керестура и Драмского студия РКЦ зоз Нового Саду, у виводзеню осемчленового ґлумецкого ансамблу.
Шицки три представи почню на 20 годзин, а уход шлєбодни.
