Ушорює ше фундус Театра

У нашим Театру  у цеку интензивне ушорйованє фундусу костимох, односно, облєчива, обуї и реквизитох хтори ше хасную за представи хтори на репертоаре тей нашей установи, алє хтори хасную и  нашо други културно уметнїцки дружтва хтори пестую театралну дїялносц. Таки акциї були традицийно орґанизовани скоро каждого року, алє пре Пандемию Корона вирусу направена скоро трирочна павза, та потреба за таку акцию з тим векша. Акция почата у юлию, кед повиношени шицки костими и обуй же би ше прелуфтирали, преселектовали же би ше видзело цо мож ище хасновац а цо за одпис, повиберало цо потребне за актуални проєкти, а потим же би ше шицко помали врацело до ушорених и попораєних просторийох. У акциї участвую велї активни члени театра, алє и дзепоєдни заняти зоз Дому култури, та и приятелє нашей установи. У медзичаше вецей поєдинци принєсли з власних обисцох шмати и обуй хтора им уж нє потребна, та фундус будзе з часци и обновени.